أهلًا فيكم 🤍 هاي الشروط والأحكام بتوضّح العلاقة بينكم وبين «إيناس مصاروة — علاقات واعية»، وبتنطبق على استخدامكم للموقع وعلى أي خدمة أو منتج بتشتروه منّا. تسجيلكم أو شراؤكم بيعتبر موافقة صريحة على هاي الشروط.
1. مين إحنا
إيناس مصاروة — مستشارة زوجية، ميسّرة مجموعات ومدرّبة بمنهج RLT (Relational Life Therapy).
الموقع: enasmassarwi.com
البريد الإلكتروني: enas.counselor@gmail.com
الهاتف وواتساب: +972502156772
2. الخدمات الي بنقدمها
- ورشات ودورات مسجّلة (زي «على وشك»): فيديوهات ومواد مكتوبة بتوصلكم أونلاين.
- دورات مباشرة (زي «وقت الزعل وينك؟»): لقاءات حيّة على Zoom بمواعيد معلن عنها.
- استشارات فردية وزوجية: جلسات 1:1 على Zoom بالحجز المسبق.
- نشرة بريدية مجانية.
تفاصيل كل خدمة وسعرها ومدّتها معروضة على صفحتها بالموقع.
3. الأسعار والدفع
- الأسعار معروضة على صفحة كل خدمة، وبتشمل كل الرسوم — ما في رسوم مخفية.
- الدفع بصير أونلاين بشكل آمن عن طريق مزوّد خدمات دفع خارجي. إحنا ما بنخزّن أي تفاصيل بطاقات.
- التسجيل بصير مؤكّد بعد ما يوصلنا الدفع، وبتستلموا إيميل تأكيد.
- ما في اشتراكات متجدّدة تلقائيًا — كل شراء بصير مرة واحدة.
- إذا الدفع تم بعملة غير المعروضة، ممكن البنك ياخد فرق عملة أو رسوم تحويل، وهاي مش تحت سيطرتنا.
4. إيمتى وكيف بتوصلكم الخدمة
- المحتوى المسجّل: بيوصلكم فورًا بعد تأكيد الدفع، عن طريق إيميل فيه تفاصيل الدخول لمنطقة الأعضاء. الوصول مدى الحياة إلا إذا انكتب غير هيك على صفحة المنتج.
- الجلسات: بتستلموا إيميل تثبيت فيه تاريخ ووقت الجلسة ورابط Zoom.
- الدورات المباشرة: بتستلموا إيميل ترحيبي بعد التسجيل، وروابط اللقاءات قبل بداية الدورة.
- إذا ما وصلكم إشي خلال 24 ساعة، احكولنا على enas.counselor@gmail.com وبنحلها فورًا.
5. الإلغاء والاسترجاع
كل التفاصيل موجودة بصفحة سياسة الاسترجاع والإلغاء. باختصار: ضمان 30 يوم للمحتوى المسجّل، إلغاء الجلسات لحد 24 ساعة قبل الموعد، واسترجاع كامل للدورات لحد 24 ساعة قبل البداية.
6. المحتوى والملكية الفكرية
- كل المواد — فيديوهات، تسجيلات، ملفات عمل، نصوص وتصاميم — ملك لإيناس مصاروة ومحمية بحقوق الملكية الفكرية.
- الاشتراك بعطيكم حق استخدام شخصي فقط.
- ممنوع نسخ المواد أو مشاركتها أو تسجيلها أو بيعها أو نشرها أو استعمالها تجاريًا من دون إذن خطي مسبق.
- الوصول للحساب شخصي ومش قابل للمشاركة مع حدا تاني.
7. السرية
كل إشي بتحكوه بالجلسات أو باللقاءات بضل بينّا. ما بنشارك أي معلومة شخصية مع أي طرف تالت إلا بموافقتكم، أو إذا كان في خطر حقيقي على حياة حدا، أو إذا كان في إلزام قانوني. تفاصيل جمع البيانات موجودة بصفحة سياسة الخصوصية والاستخدام.
8. حدود الخدمة — مهم جدًا
الخدمات الي بنقدمها هي إرشاد وتدريب علاقات (Coaching)، وهي مش علاج نفسي ولا بديل عنه، ولا بديل عن استشارة طبية أو دوائية.
الخدمات مش مناسبة لحالات: صدمة نفسية حادة، نوبات قلق شديدة، اكتئاب حاد، إدمان، أو عنف بالعلاقة. بهاي الحالات منشجّعكم تتوجهوا لمختص بالصحة النفسية، وبنقدر نساعدكم بالتوجيه.
النتائج بتختلف من شخص لشخص وبتعتمد على مدى التزامكم وتطبيقكم، فما بنقدر نضمن نتيجة معيّنة.
9. سلوك المشاركين
- بنتوقع احترام متبادل بين كل المشاركين والمشاركات باللقاءات والمجموعات.
- ممنوع تسجيل اللقاءات أو تصويرها بدون إذن.
- بنحتفظ بحقنا إننا نوقف مشاركة أي حدا بتصرّف بشكل مؤذي أو غير محترم، من دون استرجاع.
10. تعديل الشروط
ممكن نحدّث هاي الشروط من وقت لوقت. النسخة المحدّثة بتنعرض على هاي الصفحة مع تاريخ آخر تحديث، وبتسري من لحظة نشرها.
11. تواصلوا معنا
أي سؤال عن هاي الشروط؟ احكولنا:
enas.counselor@gmail.com
+972502156772
آخر تحديث: 14 أكتوبر 2026